دايم السيف

[][هاجس الذكرى][]

مختارات من قصائد سمو الأمير الشاعر. خالد الفيصل. دايم السيف
اتمنى انها تحوز على رضاكم :






عز القصيد
عــز القـصـيد وزاعـلـتـنى حـروفـه
من يوم غاب اللي قصيدي ... مهاويه
غـابت به الـدنـيـا وخـلـت طـيـوفه
عـزي ... لـمـن مـثـلى زمـانـه يعاديه
عقب الـملاقـي بـس بالـقـلـب اشـوفه
وعـقـب الـمـناجي ... بس بالـفكر انـاجيه
كـلامـي وشـوفي لغيره ... حـسوفه
مـن غـيـره يـخـاوي غريبي واخـاويـه
يالـوعه الـمـشـتاق تصفق كـفـوفــه
لين الـتـفـت مـاشـاف بالـدار غــالــيه
كـن الـعـيون بكل شــيــن محذوفـــه
والـقـلب كـن جموع ... الأيام تـرمـيـه
تسابقـنــي من زمــاني ســيوفــه
تــجــرح مــرادي .. في حـياتي وترمــيه
ياعـونـه الرحـمـن ... ويـن الـنكـوفـه
لـيـن انـتـحي ... الـخـفاق وش عـاد يثنيه
مارحت ادور عـــنـد خــلــى مــروفـــه
مــايرحــم ... الا الله فــلا شـك مـغـلـيـه


خالد الفيصل


.................................................. .........

ليالي نجد

ليالى نجد مامثلك ليالي
غلاك اول وزاد الحب غالي
ليالي نجد للمحبوب طيبي
امانه نور عينى ياليالي
حبيبي لى ذكرت انه حبيبي
دريت انى حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفا الله عنه مما جاني اول
غسل حبه جميع الهم تالي
.................................................. .......

جرح القصيده

قصيدتي منك مجروحه

اخلفتني واختلف شعري

يا ونتي منك مبحوحه

لو ما طلع صوتها عذري

ذي رايتي منك مطروحه

طرحتها وانت ما تدري

شف دمعة الشوق مسفوحة

والوجد في ملحها يسري

مواجع القلب مفتوحه

داريتها واحترق صدري

حمامه الوصل مذبوحه

يا خوفتي قبرها قب
.................................................. ....

ساعة الفرحة

يا ساعة الفرحه تشوقت للعيد

عيد العيون وعيد قلب الصبابه

رد الجمال لشوفتي يا اتلع الجيد

واسحب على حرفي لحون الربابه

حرفي بصوتك يا اجمل الصوت تغريد

يا رمز حبي هاك رمز الكتابه

يا صبح عمر فيك للعمر تجديد

وحبك يجدد كل يوم شبابه

للعين والقمرا وحسنك مواعيد

وليل الهوى شرع للأحباب بابه

ياما زعجت الصوت باسمك تراديد

وياما نسيم الوجد يمك سرابه

وياما تمنيتك على باقي الغيد

واقول مثلك يا غلا الروح ما به

ابيك تهوى مثل ما اهواك وتزيد

يا من خفوق القلب حسنك غدا به

يا قطرة الغيمه على يابس البيد

رد الحياة لخافقي يا ذهابه.............................................

[][هاجس الذكرى][]

في سحابه..

على متن التمني

شفت عمري

خيال في سحابه

يا ذهابه ..

تعدى ما ارجهن

كن عامه

نهار يا ذهابه ..

من غدا به

ربيع العمر مني

حسبي الله

على وقت غدا به ..

إلتوى به

رجا قلب يون

ويل قلب تعلق والتوى به

في شبابه ..

حبس نشواه عني

ما تهيا لذيذه في شبابه

ذا صوابه

عقب ما هو طعني ..

لو نسيته يذكرني صوابه

من هقابه ..

يخيب كل ظني

واعذاب الخفوق اللي هقابه

رد بابه ..

زماني وامتحني

يوم ثور عجاجه

رد بابه

يا ربابه ..

على المسحوب غني

من قصيدي

بكى قوس الربابه .


خالد الفيصل
...................................
بنت الكحيله مهــرتي

وخيالتي من كل اصيل

ألقى عليها طربتي

بين المعنق والشليل

صدر وقطاة فلـــوتي

العنق والساق الطويل

وقع الحـــوافر نغمتي

وحداتنا رجع الصهيل

أبوي وجدي قدوتي

لو ما لهم عندي مثيل

بالدين تفخر عزوتي

والرمح والسيف الصقيل

ماكر حرار ديرتي

ما في هل العوجا ذليل


............................................

سحاب

سحاب انا من بدة الناس مغليك
اغلى على من الهوى في حياتى
سحاب سميتك على غيث واليك
ياغيث قلبى فرحتى يانجاتى
اخايل بروقك واراعي مناشيك
واشفق على هل المطر منك ياتى
سبحان من علاك عن كل راجيك
ارض تعداها حياها فواتى
هواك طوفنى معك في مساريك
من فوق أناظر قالبين العباتى


.............................................

[][هاجس الذكرى][]

فدوة عيونك

فدوة عيونك لو غدت روح مغليك
وش عاد لوراحت لعينك عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير

..................................................

سريت

سريت ليل الهوى لين انبلج نوره

امشي على الجدي وتسامرني القمرا

طعس وغدير وقمر ونجوم منثوره

انفاس نجد بها جرح الدهر يبرا

يا نجد الاحباب لك حدر القمر صوره

طفلة هلال وبنت اربع عشر بدرا

حبيبتي نجد عيني فيك معذوره

معشوقة القلب فيها للنظر سحرا

فضة شعاع القمر في نجد مسحوره

من شاف لمع قمر في خدة سمرا

..................................................


لو نسيت

لو نسيت العمر ما انسى دمعتك

صرخة ذابت من عيونك دموع

ترتعش مرتاعة في وجنتك

وانتفض قلبي لها بين الضلوع

أزعجت صمت الليالي عبرتك

بالخفا ثوره وبالظاهر خشوع

تسكب الدمعه وتظمى نظرتك

مشهد النظرة وهي تظمى يروع

يا ضياع العمر ضيعة بسمتك

ضاع معها خافق مثلك جزوع

ليت من يمتص جارح لحظتك

والفرح يشعل دياجيرك شموع

................................................

[][هاجس الذكرى][]

حدر القمر

حدر القمر صوّت لخله وناداه

ثلاث مرات وبالرابعة ون

حدر القمر يا ما همس له وناجاه

وعيونهم ياما بنوره تلاقن

والبارحه عدا على الذيب بعواه

واقفت ظنونه بالليال يتعادن

مرٍ حوالينه ومرٍ تعداه

ومر تضاحك له ومر يتباكن

هذي سواة اللي عن النوم قزاه

طيف الحبيب اللي على خاطره عن

ان شافت عيونه جمال تمناه

وان صوت القمري لصوت الهوى حن

الجارحه تجرح وتسري وتنساه

وجروح مجروح الليالي تساقن

والخافيه طعنة زمانه تمثناه

والبينه عنها عيونه يبوحن

...............................................

لايطول غيابك

لايطول غيابك ... ثم اخذ عليه
لو تخليت عنى ... عنك قلبي ماتخلى
العذر والتعلل والحكي ... مانبيه
من تحرك فؤاده ... بالهوى ماتخلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقي نحتريه
مابي دموعك ...اللي عقب موتي تهلا
مابقي بالعمر مقدار ماراح فيه
كل مازل يومٍ ... يوم بالعمر ولى
مايعرف الجمر مثل الذي يكتويه
احد يدفا بناره ... واحد فيه يتصلى
يامن القلب حطيته براحة يديه
مارضى له مكان غير كفك محلا
كم تعذر وعيا عن هوى محتويه
لين طاح بيمينك بالغرام وتجلى


خالد الفيصل
..............................................
موت الوفا

لو يبور الملأ ما أحسب حبيبي يبور
وأحسب اني أموت ... ولايموت الوفا
وأحسب انه على هاك المودة ... غيور
ما احسب ان الشعاع .. اللي بقلبه طفا
كيف يانور عينى ... وانت للعين نور
يختفي نور وصلك في ظلام ... الجفا
اثر قلبك على فرقا الولايف جسور
واثر ... طرفك اليا سهرت عيوني غفا
وين هاك الونين ... اللي يشق الصدور
وين هاك الدموع ... اللي تشق الصفا
كل حي ٍ اليادارت لياليه ...يدور
كل قلب اليا ... عفت جروحه عفا
ويل قلب توالت فوق جروحه كسور
كل جرح الهوي ... ياصاحبي ماكفا
التمس لك عذر ... لو كان ما أنت معذور
وان جحدت الموده بان لك ماخفا


خالد الفيصل
.................................................



ايوه قلبى عليك التاع
مايحتمل غيبتك ليله
عساه عساه مايرتاع
عليك يانافل ٍ جيله
غنيت يابو عيون وساع
من غيرك اقصد واغنى له
معذور لو صرت بك طماع
من حبكم مالنا حيله
القلب من يمكم نزاع
لوحاولو صعب تحويله
مانيب من عاذلى سماع
والله ماقطع مواصيله
من لام راعى الهوى خداع
سيور الايام تبدى له
ماضاع عمرى معك لو ضاع
ماضيه والا مقابيله
سلمت لك خافق ٍ جزاع
عساك يازين تاوي له


خالد الفيصل
.......................................

كل مانسنس

كلما نسنس من الغربي هبوب حمل النسمة سلام

وان لمحت سهيل في عرض الجنوب .. عانق رموز الغرام

لك حبيب ما نسا .. كلمته دايم عسى

اطلب الله وارتجيه .. صبح يومي والمسا

كل زين اشهاده وانتم بعيد منوتي ليتك معي

وان سهرت الليل اهوجس بك واعيد هل لاجلك مدمعي

وانت هاجس خاطري .. وانت فرحة ناظري

يا قريب ويا بعيد .. فيك امس وحاضري

نشوتك تلعب مع قطر المطر .. وانتشى قطره معك

والسحاب يطاردك بين الشجر خالق الزين ابدعك

الندى في وجنتك .. صار عطر بلمستك

والهوى غنى طرب .. تستثيره بسمتك

كلما ضمت عيوني منك طيف يا بعد كل الطيوف

قلت ما مثلك على الدنيا وصيف لا حشا مالك وصوف

لا سحاب ولا مطر .. لا نسيم ولا زهر ..

لا طيور ولا زهر .. ولا مع باقي البشر ..

.................................................. .....

[][هاجس الذكرى][]

سمرت

سمرت بصحبة حروف القوافي

احملها تناهيت خوافي

اشكل بالحروف الوان صوره

احركها من المعنى بصافي

اشيل الحرف من معنى لمعنى

واجاري ما زهر واظهر بخافي

والى مني عطيت الحرف ونه

بها حرفي على النجمات طافي

يقوم كل نجم من منامه

أنا ما نيب اسامر نجم غافي

يجيني كل نجم منه معنى

ولا قد قلت للنجمات كافي

تصور لي دموع وابتسامه

من عيون تقصوت ما تشافِ

ألا يا نجم يا عالي تبصر

شف بعين المحبه عين وافي

وخبرني عن علومه وحاله

عسى قلبه مع الأشواق دافي

ولو ممشاي في جمر يفيده

مشيت بجمرها كنه عوافي

ولكن وش يفيده لو ذبحني

ومن يوصف جماله عقب قافي

................................................

طال السفر

والمنتظر مل صبره

والشوق يا محبوب في ناظري شاب

رد النظر

خليت بالكف جمره

سعيرها في داخل القلب شباب

عز الخبر

والمهتوي ضاق صدره

يا من يرد العلم عن هاك الأحباب

طيفه عبر

ما أرسل مع الطيف عذره

هو خاطره من لوعتي ما بعد طاب

هو ما ذكر

أن الجفا فيه كسره

للخافق اللي من هوى صاحبه ذاب

يا ما سهر

طرفي على حبس عبره

اردها والوجد للدمع جذاب

دمعٍ حدر

جاله على المنع جسره

عظيم وجدي للدمع شرع الباب

يوم وشهر

عزاه والعمر مره

والناس واجد لكن الولف غلاب

..................................................

[][هاجس الذكرى][]

ياطارد

يا طارد اللي راح خــله ومــلوه

ما يستــقيم الظــل لا عوج عوده

ولا ينفع الندمان قولــة حــولاه

جـحـر لـدغ يمنـاك لا لا تعـوده

مد النظر في خلق ربي تمعناه

إلى انتقص من حال حال يزوده

الله جعــــل للمبتلي داه ودواه

وكل على عزمات قلبه حدوده

خالد الفيصل
.............................................

غـريـب والله

غـريـب والله يـا حبيبـي هـوانـا

نستعذب الأشواق ما نطفـي الشـوق

شـوقـي وشوقـك هايمٍ في سمانـا

في ناظري حيره وفي ناظرك مـوق

نطـرد سرابٍ في صحاري ظـمانا

لا فيـه ميـرادٍ ولا حاصـلٍ ذوق

يـومٍ يـبعّدنـا ويـومٍ دعـانـا

ويـوم يلبّسنا خيال الهـوى طـوق

طيـفٍ يرغّـبنـا وطيـفٍ نهـانـا

فوق الثرى نمشي وحلم الهوى فوق

خيالنـا من كـل نبعٍ سقـانـا

وأيامنا تسوق عبراتنـا سـوق

ميعادنـا عند التمنّـي نسانـا

وظروفنا تزرع على دربنا عوق

.................................................. ....

حـدّنـي وقـتـي

حدّني وقتـي على شيٍ جديدي

السهـر ماهوب من عادة عيوني

أبعدوني عن هوى بالي وسيدي

ومنعوا عنّي خطوطـه ياصلونـي

شطروني عنه في دارٍ بعيـدي

حسبـي الله كانهم منه قطعوني

صارت الفرقا لنا علمٍ وكيـدي

ليتهم راحوا وانا عنده نسونـي

عاقني عن صاحبـي سورٍ حديدي

دونـه البحـور حـرّاسٍ ودونـي

الرجا بك يابو خالد يا عضيـدي

لا تخلينـي تراهم عـذّبـونـي

خالد الفيصل
..........................

من بنات الريح ..

من بنات الريح لي صفرا جفول

كنها ظبي الفلا بجفالها

منوة الخيال عساف الخيول

زينها في دقها وجلالها

زينها ما شفت وصفه بالمثول

الله اللي بالجمال اصخى لها

تستذير كحيلتى من كل زول

ما يصخرها سوى خيالها

اذكر الله كل ما قامت تجول

و احمد الله خصنى بحبالها

كنها تمشي على قرع الطبول

فتنى اللي خافقه يبرى لها

ظافي القصه على الطرف الخجول

تنكسر شمس العصر بظلالها

وصفها وصف السحاب اللي يحول

كل عين تستخيل خيالها

او كما طاري على الخاطر عجول

صاحبه حقيقته ما طالها

كل رجل في حياته له ميول

والهوايه تمتلك رجالها

[][هاجس الذكرى][]

لو نسيت ..


لو نسيت العمر ما انسى دمعتك

صرخة ذابت من عيونك دموع

ترتعش مرتاعة في وجنتك

وانتفض قلبي لها بين الضلوع

أزعجت صمت الليالي عبرتك

بالخفا ثوره وبالظاهر خشوع

تسكب الدمعه وتظمى نظرتك

مشهد النظرة وهي تظمى يروع

يا ضياع العمر ضيعة بسمتك

ضاع معها خافق مثلك جزوع

ليت من يمتص جارح لحظتك

والفرح يشعل دياجيرك شموع

.................................................. ..

جرح القصيده ..


قصيدتي منك مجروحه

اخلفتني واختلف شعري

يا ونتي منك مبحوحه

لو ما طلع صوته عذري

ذي رايتي منك مطروحه

طرحتها وانت ما تدري

شف دمعة الشوق مسفوحة

والوجد في ملحها يسري

مواجع القلب مفتوحه

داريتها واحترق صدري

حمامه الوصل مذبوحه

يا خوفتي قبرها قبري

...................................

فدوة عيونك

فدوة عيونك لو غدت روح مغليك
وش عاد لوراحت لعينك عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير

.................................................. ..

بنت الكحيله

بنت الكحيله مهــرتي

وخيالتي من كل اصيل

ألقى عليها طربتي

بين المعنـــــــق والشلــــــــيل

صدر وقطاة فلـــوتي

العنــــق والســـــاق الطويــــــــــــل

وقع الحـــوافر نغــــــمتي

وحــــداتنا رجـــــــع الصهيـــــــل

أبوي وجدي قدوتي

لو ما لهــــم عنــــــــــدي مثيل

بالدين تفخر عزوتي

والرمح والسيف الصقيل

ماكر حرار ديرتي

ما في هل العوجا ذليل
....................................

[][هاجس الذكرى][]

مرتـاح أحبّـك ولا علّـمـت
حتّى انـتْ عيّيـت أبيّـن لـكْ
والبارحـة يـوم أنـا سلّمـت
شكّيـت لـو عيـنـي تـدلّـكْ
بـرقٍ لمَـعْ بالعيـون وخِفْـت
مواجـع القلـب توصـل لـك
عساك في ناظـري مـا شِفْـت
كيـف المعاليـق يومـنْ لــكْ
من خوفتي لا احتـرق جنّبـت
هربـت مـن شمسـك لظلّـك
أخشَى عليك الهوَى لو طحـت
مــا تلّـنـي يـمّـك يتـلّـكْ
أبـي قليـلـك ولا حصّـلـت
بعضـك تركنـي مـعَ كـلّـكْ
ما ادري صواب أو خطا ما قِلْت
إنّـك حبيبـي وانــا خـلّـكْ